Кыргызстандын борбору Бишкекте реставрациялоо жана музейлештирүү иштери ийгиликтүү аяктагандан кийин Алыкул Осмоновдун үй-музейинин салтанаттуу ачылыш аземи болду. Долбоорду Түрк маданияты жана мурасы фонду Бишкек шаардык мэриясы менен биргеликте ишке ашырган.
Лента кесүү аземине Түрк маданияты жана мурасы фондунун президенти Актоты Раимкулова, Бишкек шаарынын мэри Айбек Жунушалиев, КР Маданият, маалымат, спорт жана жаштар саясаты министринин биринчи орун басары Чыңгыз Эсенгул уулу жана Кыргыз Республикасынын Тышкы иштер министринин орун басары Айбек Молдогазиев катышты.
Долбоор 2023-жылдын 3-ноябрында Астанада өткөн Түрк мамлекеттер уюмунун Саммитинин Декларациясын аткаруунун алкагында ишке ашырылган. Бул Фонд тарабынан ушул түрдүү долбоорлордун арасында ишке ашырылып жаткан биринчи долбоор, анын түрк элдеринин маданий алмашуусу жана мурастарын сактоо үчүн маанисин баса белгилеген.
Долбоордун алкагында Фонд ошондой эле Алыкул Осмоновдун “Замандан заманга” аттуу ырлар жыйнагын жазуучу Адил Жамил которгон кыргыз жана азербайжан тилдеринде басып чыгарды. Бул басылма «Түрк адабиятынын берметтери» сериясынын биринчиси болгон.
Үй-музейдин реставрациясынын жана заманбап жабдылышынын аркасында көрүнүктүү кыргыз акыны Алыкул Осмоновдун чыгармачылыгын билүүчүлөр улуу акын жашаган доордун атмосферасын жана даамын сактап калган жайга жете алышат.
Жаңы музей аянты Алыкул Осмоновдун чыгармачылыгын Кыргызстанда да, чет өлкөлөрдө да өнүктүрүүгө жана жайылтууга салым кошо турган маанилүү маданий борборго айланат.